Wednesday, December 30, 2009

asal usol

artist : Halim Yazid
Title : Diri Ambo (Bangkit Asal 2)

Ambo nok sambun kisoh dighi sedighi
Doh adek kakok kapon pakak nok dengaa lagih
Ambo hormak sanjon segalo kaseh segalo budi
Susoh hok ambo tanggun adek kakok ambek peghati

Ooo…oooo..
Ambo ghaso bebesaa hati
Ooo…oooo..
Terimo kaseh setinggi-tinggi

Maso kecik ambo beso makey nasik sajo-sajo
Kalu ado sekeghak ikey pon keno bagi duo
Dapo como ado gaghe jaghe benaa ado gulo
Bajopoh male-male pakaa minun air telago

Bangun pagi-pagi sauk baju pakaa sluaa
Mek ambo ghebuh ubi bukuh buwi buak bekaa
Dio pesey haghi-haghi ngaji lah pandaa-pandaa
Kalu seksok pah tinggi oghe kato bulih jadi pegawa

Ooo…oooo..
Ambo gi skoloh beghungga-ghungga
Ooo…oooo..
Ambo nok ngaji wi pandaa-pandaa

Ado satu ketiko..
Cekgu mitok sepuloh ghiyaa
Dio kato skoloh kito nok gi melawak sambii belajaa
Hmm..Tak dok apo doh la cekgu sayo tok leh bayaa
Oghe lain gi blako ambo soghe jah tinggaa

Hok ambo peghik seghoti keno gi skoloh alik petey
cekgu kato wajik maghi ghumoh kunin ado latihey
Ambo lah banyok sekali keno hungga kelilin padey
Keghano ambo tok leh nok beli sluaa pendek kasuk sukey

Ooo…oooo..
Malunyo weihh ambo keno pajey
Ooo…oooo..
Ni la baghu ambo ghoyak kok ghe

Teghimo kaseh la cekgu-cekgu
Keghano sudi ajaa sayo
Daghi daghejoh satu hingga jadi maknusio
Mitok halaa segalo ilmu hok cekgu buwi selamo maso
Wi tapok kaki gughu ambo tundok mitok redho

Ambo masuk unibesiti tahon lapey puloh
Budok kapon nok gi ngaji
Tok tahu la mano jatuh
Adek-adek kecik lagih ghato segenak kok dale baghuh
Iktekak dale hati ambo nok ngaji sunggoh-sunggoh

Ingak malu kok ghe waghih waghah dok pakak kato
Tok soh laa dudok tebey kalu tidok bako kayo
Ataa skoloh anok jate wat ngabih ko hagheto
Tidok kato nok pakak ghatey tulon baatu samah duo

Ooo…oooo..
Tak dok nyo dighi ambo
Ooo…oooo..
Demo tok sir kelih walau sebeloh mato

Mek dengaa ayoh masuk jadi peneroko baghu
Daley bukik nok taney getoh di Kesedaa Lebir Satu
Peghe dengaa ghimaa gajoh makey tok makey tak dok sapo tahu
Beginih laa oghe susoh nok tanggon anok ngaji di Yuu

Keghano keado’ey begitu ayoh ambek keputusey
Wahai anok-anokku kito pecoh lah tigo jale
Mu Halen anok nombo satu dok Kualo Lupo ngaji la soghe
Adek-adek tinggaa kapon dulu pakak dudok la limo oghe

Ooo…oooo..
Selamak tinggaa selamak jale
Ooo…oooo..
Adek hok boosu jeghik sokmo male-male

Alkisoh la ambo pulok tengoh dok mengaji di Yu Malaya
Buku rujukey pun ambo tak dok pakaa haghak ko salen nota
Beghaso malu jugok masok majelih hok besaa-besaa
Baju ambo mughoh telajok duo belah ghiyaa jah selaa

Haghi konbokesyen
Haghi utok ayoh bondo
Penak jeghih seghibu musen
Haghak mek ayoh beghaso banggo
Tahniah daghi sain-sain ambo teghimo banyok bungo
Ambo lah oghe panggey Halen
Anok kapon sesok hok buley bejayo

Ooo…oooo..
Akhirnyo ambo buleh sarjano
Ooo…oooo..
Syukoo pado Allah Maho Kuaso

No comments:

Post a Comment